Task Scam

May nag-message sa akin tungkol sa isang online shopping platform na pwede raw pagkakitaan. Ang trabaho raw ay simple lang: mag-place ng orders sa system at makakakuha ng commission pagkatapos. Una, maliit lang ang amount na kailangan. After completing several orders, may maliit akong commission na lumabas sa account. Dahil nakita kong tumataas yung balance, naniwala akong legit. Pero habang tumataas yung level ng account, mas malalaki rin yung kailangang i-“recharge.” May task na ₱2,000. Then ₱5,000. Then ₱15,000. Hanggang sa isang order, umabot na sa sobrang laki ng amount. Sinabi ko na wala na akong pera at gusto ko nang i-withdraw yung balance ko. Doon nila sinabi na hindi raw puwedeng mag-withdraw dahil may incomplete task pa ako. Kapag hindi ko raw natapos, mawawala lahat ng earnings ko. Dahil ayokong mawala yung perang nailagay ko na, naghanap pa ako ng paraan para makapagbayad. Pero pagkatapos kong matapos yung task, may panibagong requirement na naman. Doon ko na narealize na hindi talaga matatapos yung cycle. Hindi pala ako kumikita. Pinapakita lang nila na may balance ako para mahikayat akong maglabas pa ng totoong pera. Sana makatulong itong story na ito sa iba☹️. Kapag kailangan mong maglabas nang maglabas ng pera para ma-withdraw ang supposedly earnings mo, malaking red flag iyon.